Pedaqoji Transformasiya Dövründə Tədris və Öyrənmə

Dr. Vəfa Kazdal ADA Universitetinin Strategiya və İnkişaf üzrə Prorektor. ADA-ya 2009-cu ildə Elmi və Peşakar Məqsədlər Üçün İngilis dili proqramının Direktor kimi qoşulmuşdur. Diplomatlar üçün İngilis dili, məzun tələbələr üçün Akademik və Professional İngilis dili, magistr tələbələri üçün ingilis dilində bir illik dil proqramı, həmçinin bakalavr tələbələri üçün bir illik ingilis dili proqramı, eləcə də müxtəlif xüsusi hazırlanmış ingilis dili proqramları hazırlanmışdır. 2012-ci ildə ölkədə ilk dəfə Liberal İncəsənət proqramını təqdim edən İncəsənət və Bəşəri İncəsənət Məktəbinin Dekanı olmuşdur. 2014-cü ildən 2017-ci ilə qədər təhsil rəhbərliyi və müəllimlərin inkişafı sahələrində magistr, diplom və sertifikat proqramlarını əhatə edən Təhsil Məktəbinin Qurucu Dekanı vəzifəsində çalışmışdır. ADA-ya qoşulmağından əvvəl o, Azərbaycan Dillər Universitetində Tətbiqi Dilçilik üzrə Akademik Oxu və Yazı Mərkəzinin direktoru olmuşdur. İngilis dilinin tədrisi və metodologiyası üzrə magistr dərəcəsi almışdır və İngiltərənin Warwick Universiteti və Azərbaycan Dillər Universitetinin pedaqogika üzrə doktorluq dərəcəsi almışdır. O, həmçinin Junior Faculty İnkişafı Proqramı (Indiana Universiteti, Bloomington, ABŞ), Oxford Hospitality Scheme Proqramı (Oksford Universiteti, Böyük Britaniya), Ronald və Eileen Weiser Professional Development (Miçiqan Universiteti, Ann Arbor, ABŞ) kimi peşə inkişafı mükafatları almışdır. Onun təlimi və tədrisi müəllim təhsilinin, proqram tərtibinin, həyata keçirilməsinin və qiymətləndirilməsinin, dilin və şəxsiyyətin, yazı qabiliyyətinin inkişaf etdirilməsi sahələrindədir.

Ülviyyə Mikayılova BDU-nun Fizika və onun tədrisi ixtisası üzrə bakalavr dərəcəsini fərqlənmə diplomu ilə bitirmiş, İngiltərənin Mançester Universitetində “Təhsildə liderlik və idarəetmə” ixtisası üzrə magistr təhsili almış, Tbilisi Universitetində isə Biologiya ixtisası üzrə fəlsəfə elmləri namizədi dərəcəsinə yiyələnmişdir. O, 1998-2015-ci illərdə təhsildə innovasiyaların tətbiqi sahəsi üzrə fəaliyyət göstərmiş və Açıq Cəmiyyət İnstitutu - Yardım fondunda “Addım-Addım erkən yaş dövrü” proqramına rəhbərlik etmişdir. O, həmçinin 2004-2015-ci illərdə Müasir Təhsil və Tədrisə yardım Mərkəzi İB-nin direktoru vəzifəsində çalışmışdır. 2002-2005-ci illərdə Beynəlxalq Addım Assosiasiyası İdarə heyətinin üzvü, 2006-cı ildə həmin qurumun vitse-prezidenti, 2012-ci ildən isə Proqram Komitəsinin üzvüdür. Hazırda ADA Universitetinin “Təhsil” fakültəsində baş müəllim vəzifəsində çalışır. Ülviyyə Mikayılovanın təhsil işçiləri üçün təlimlərin hazırlanması və keçirilməsi istiqamətindəki təcrübələri bu sahələrin inkişafına öz töhfəsini vermişdir. O, eyni zamanda 2009-cu ildə Dünya Bankının və YUNİSEF-in beynəlxalq məsləhətçisi kimi həm Azərbaycan, həm də xarici ölkələrdə bir sıra islahatyönümlü layihələrdə xidmət göstərmişdir. Həmin ildə o, təhsildə göstərdiyi xidmətlərinə görə Təhsil Nazirliyi tərəfindən “Təhsil Əlaçısı” medalına layiq görülmüşdür. Ülviyyə Mikayılovanın peşəkar maraq sahəsinə əlilliyi və xüsusi qayğıya ehtiyacı olan, qaçqın və məcburi köçkün, eləcə də az imkanlı ailələrdən olan və digər həssas uşaqların təhsildə sosial inklüziyası daxildir.

Samira Rəsulova ADA Universitetinin fakültə işləri və akademik idarəetmə direktorudur. Layihə İdarəçiliyi üzrə geniş təcrübəyə malik olan Samirə Rəsulova təhsil vasitəsi ilə müsbət sosial və iqtisadi nəticələrin əldə edilməsi istiqamətində öz bilik və bacarıqlarını əsirgəməyən nəticəyönümlü bir peşəkardır.

Saidə Nəbiyeva hal-hazırda ADA Universitetinin Doktorantura Dəstəyi və İnkişafı Departamentinin direktorudur. O, təhsil və sosial sektorda, xüsusilə proqram dizaynı, kurrikulum inkişafı, proqram təhlili, təkmilləşmə proqramlarının təşkili və aparılması, eləcə də ali təhsil səviyyəsində tədris fəaliyyətləri üzrə geniş iş təcrübəsinə malik layihə meneceridir. Səidə Nəbiyeva magistr dərəcəsini ABŞ-ın Massaçusets Universitetinin Təhsil proqramında, təhsil siyasəti və beynəlxalq təhsil sahələrində ixtisaslaşmaqla alıb. ADA Universitetinə qoşulmazdan əvvəl, Saidə Nəbiyeva müxtəlif beynəlxalq təşkilatlarda (SOS Uşaq Kəndləri Azərbaycan, Britaniya Şurası, Uşaqların Xilası, Seçki Sistemləri üzrə Beynəlxalq Fondu (IFES), Dünya Bankının Təhsil Layihələri Koordinasiya Qrupu, ABŞ Sülh Korpusu) çalışıb, əsasən müxtəlif təhsil proqramlarının idarə olunması ilə məşğul olub. Əlavə olaraq, o, Dünya Bankı, BMT-nin İnkişaf Proqramı, ATƏT və başqa qurumlar üçün məsləhət və təlim xidmətləri göstərir. Saidə Nəbiyeva bir peşəkar kimi həm Azərbaycan, həm ölkə xaricində müxtəlif təkmilləşmə proqramlarında iştirak edib.

Natella Tariverdiyeva ADA Universitetinde Ali məktəb və Sertifikat programları üzrə kurator həmçinin Dil müəlliməsidir. Bakı Slavyan Universitetində rus dili və ədəbiyyatı üzrə bakalavr, rus ədəbiyyatı üzrə magistr təhsili alıb.